“Bir insan kimi mən Tahiri istəmirəm. Ona görə ki, o, ömür boyu mənim paxıllığımı çəkirdi”.
Fotofakt.az xəbər verir ki, bu sözləri tanınmış vəkil Şəfiqə Nağıyeva dünyasını dəyişən vəkil Tahir Əlirzayev haqqında danışarkən deyib.
Şəfiqə Nağıyevanın “Elgizlə izlə” verilişində mərhum vəkil haqqında dediyi sözlər rezonans doğurub.
“Mən öz həmkarlarımı çox istəyirəm. Ancaq bir insan kimi onu çox istəmirdim. Ona görə istəmirəm ki, Tahir həmişə mənim paxıllığımı çəkib. Nəyə lazımdır bu kimi şeylər? Bilirəm ki, ölünün arxasınca danışmaq doğru deyil. Ancaq hər kəs bilir ki, mən haqqı danışan insan olmuşam”, – deyə vəkil bildirib.
Xatırladaq ki, tanınmış hüquqşünas Tahir Əlirzayev noyabrın 28-də koronavirusdan dünyasını dəyişib. (sfera.az)
